موضة وما ادراك ما الموضة

السلام عليكم
انا اليوم جايبتلكم موضوع
و حابة تشاركوني برأيكم
شباب و بنات

الموضوع عن موضة العصر
يعني انت كشب بتقبل بهالموضة
او بتتبعها
او انو اختك او بنتك تصير من عشاق هاي الموضة

و انتي كبنت مستعدة تكوني عبدة لهالموضة
و تتبعيها بكل ما فيها
لبس و غير اللبس

طيب انا اليوم كنت بالسوق
و لما رحت هنيك رح احكيلكم عاللي شفتو
و ما حد يقول شهد بتبالغ
لانو جد اشياء غريبة و عجيبة
و كل هاد و الدنيا رمضان

اول اشي كنت ماشية
مرت من قدامي وحدة
مستعيرة بلوزة اختها الصغيرة
و تنورتها
شبر مش اكتر
بس شبر مش على قياس ايدها
على قباس ايد ولد ببطن امو
و الميك اب
الله لا يريكم الاخضر الفاقع الي فوق عيونها
طالعة متل الفزاعة

و بعدين اجت وحدة محجبة
اول اشي بنطلون الديق
الي ما بعرف كيف داخل برجليها
و البلوزة شيال و تحتها بدي كم
بس يعني هاد الشيال الي تحتها للفت النظر
بس من كتر مو ديق
كأنها مش لابسة اشي
و الحجاب
يمكن الها تلات اشهر بتظبط بلفة الشيلة
لحتى طالعة معها هيك
و منزلة الغرة
و الله انا قلت لحالي
الحجاب ايش لازميتو قدام هاللبس
؟؟؟؟؟؟؟؟؟؟؟؟؟؟؟؟؟؟؟؟؟
و مشيت الله لا يسهللها

و مرت غيرهم وحدة
لابسة كعب
عااااااااااااااااالي
و رقييييييييييييييق
يعني اذا نفخت عليه
بتوقع من طولها الله لا يجيرها

بس ما تفكروا انو الكلام بس عن البنات
لسا الشباب الهم حصة
ههههههههههههههههه

مر واحد شب
لابس بنطلون ديق كتير
زي البنات و يا حرام
مش ملاقي حزام يلبسو
البنطلون اذا هبت نسمة هوا
بيزحل!!!

و واحد غيرو كأنو رايح عالبحر
لابس فانيلا بس بدون بلوزة
و شورت يعني لو ما لبسو احسن
لانو مش نافع اشي
و جودو و عدم وجدو واحد
ههههههههههههههههههه

هاد كلو الدنيا رمضان
طيب هاي الناس كيف بتقبل على حالها تمشي بين العالم
و همة شكلهم زي الفزاعات
هههههههههههههههه
و كيف بتقبل تكون بهالمظهر هاد
يعني انا ما دخلت بعقلي

و حابة آخد آراؤكم
كل واحد شب او بنت
ايش رأيك بهالموضة
و انت او انتي
بتقبلوا تلبسوا هاد اللبس
طبعا انا حكيت عن موضة التياب بس
انا ما حكيت عن موضة العقول و النفسيات
الي الله لا يريكم
خليني ساكتة احسن
يلا بدي اشوف الاراء
و الردود
بانتظاركم يا حلوين
تحياتي
شهد